რუანდას გენოციდი გახლავთ XX საუკუნის ერთ-ერთი ყველაზე სისხლიანი გენოციდი. 1994 წლის 6 აპრილიდან იმავე წლის ივლისის შუა რიცხვებამდე ერთმანეთს ებრძოდნენ ტუტსისა და ჰუტუს ტომები. 100 დღის განმავლობაში 800, 000-დან 1, 071, 000-მდე ადამიანი დაიღუპა. ხოცვა-ჟლეტის დროს ზოგმა ეკლესიებს შეაფარა თავი, ზოგმა კი მურამბის ტექნიკურ სკოლას (დაახლოებით 65 000-მა ადამიანმა). მათ იმედი ჰქონდათ, რომ იქ მყოფი ფრანგი ჯარისკაცები დაიცავდნენ, მაგრამ მათ 5 დღის შემდეგ დატოვეს სკოლა, რასაც ჰუტუს ტომელების თავდასხმა მოჰყვა. 45 000-მდე ტუტსელი იქვე დახოცეს მაჩეტეთი, გაქცეულებიდან კი თითქმის ყველა ან გზაში მოკლეს, ან 1-2 დღის შემდგომ, როცა ადგილობრივ ეკლესიებში შესვლას ცდილობდნენ.
ეს გენოციდი ჰუტუს ტომელებმა მოუწყვეს თავისსავე თანამემამულეებს, ტუტსის ეთნიკურ ჯგუფს და ზომიერად განწყობილ ჰუტებს. ისტორიაში რუანდის გენოციდი შევიდა არა მხოლოდ როგორც ასეთ ხანმოკლე პერიოდში მოკლული ადამიანების რიცხვის. არამედ გაეროს და დასავლეთის არადეკვატუს და დაგვიანებულ პასუხის გამო. მიუხედავად იმისა რომ წინასწარ იყო ცნობილი რომ ხოცვა-ჟლეტა დაგეგმილი იყო, არც ერთ სახელმწიფოს ამის წინააღმდეგ არც პროტესტი გამოუთქვამს და არც რაიმე ზომები მიუღია, რასაც ფატალური შედეგი მოჰყვა.
მურამბის ტექნიკური სკოლა, ასევე ცნობილი როგორც რუანდის გენოციდის მემორიალის ცენტრი, მდებარეობს სამხრეთ რუანდაში და 1994 წელს მომხდარი გენოციდის ეპიცენტრი იყო. ამ ადგილას დახოცილთა ძვლები და მუმიფიცირებული სხეულები ინახება, რომელთა რაოდენობაც საკმაოდ მასშტაბურია.ამ ტრაგედიასთან დაკავშირებით გადაღებულია ფილმიც სახელწოდებოთ- "shooting dogs"
No comments:
Post a Comment